Govva: YLE Davvi-Suoma mátkkoštanealáhusa mielde Finnairis lea menddo stuorra váldi girdinmárkaniin. ja nu mátkkoštanfitnodagat go guovllu gielddatge gáibidit ođđa fitnodagaid Lappi girdinjohtolahkii. Sápmái girdin orru leamen buorre bisnesdoaibma, dasgo dain 11 girdingiettis maidda Finnair Suoma rájáid siste girdá, guhta leat Davvi-Suomas. Fitnodaga oassi Lappi girdinjohtolagas lea juoba 60-70 proseantta. Suoločielggi Tunturihotelli doaibmajođiheaddji Petri Saastamoinen sávašii maid eambo gilvvu, su mielde gilvu dahká álo buori: 24 sek Blue1 dieđihanhoavda Tom Christides goittot muitala, ahte vaikko fitnodat leage girdán davás alimus sesoŋŋa áigge, ii dat velge áiggo bahkket davi márkaniidda birra jagi. Jus Finncom ii movttit girdit Davvi-Supmii, lea Finnairis dás duohkoge monopola dain guovlluin.***
