Govva: YLE/Jarmo Honkanen Ruvkeláhkaevttohus sirdašuvvá ain, dál evttohus galggašii gárvánit ovdal juovllaid. Vel čakčat lohpidii ministtar Mauri Pekkarinen, ahte riikkabeivvit álggahit lága gieđahallama golggot-skábmamánu molsašumis Čavčča áigge leat ráđđádalli oassebeliid gaskasaš nákkut vearránan ja láhkaevttohus rievdan. Riidduid leat dagahan eandalit uraanaruvkeáššit ja ruvkkiid vuođđudeapmái guoskevaš gažaldagat. Leammi golleroggiid sajádat dan sadjái ii leat dagahan sierramielalašvuođaid. Ođđa ruvkeláhka galggašii boahtit fápmui jagi 2011 álggus. Ruvkeáššiid gieđahallan sirdašuvvá Dorvoteknihka guovddážii.***
