Govva: YLE Lappi GPS-satellihttarusttegat leat stuorra veahkkin dán beaivve boazodoalus. Dáin lea ávki bohccuid čohkkemis, boazojámuid čielggadeamis ja spire- ja johtolatvahágiid eastadeamis. Dán oaivilii bohte maŋŋebárgga Taivalkoskes čoahkkanan boazodoalu ovddasteaddjit, dutkit ja GPS-aparahttaid ráhkadeaddjit. GPS-báttiid geavaheami ráddje dušše dan haddi, 700 euro rusttegis. Diehtoteknihka lektor Martti Kemppainen muitala, ahte bálgosiin lea vejolašvuohta oažžut doarjaga rusttegiid skáhppoma várás: 36 sek GPS-čeabetbáttiid leat geahččaladdan jo earret eará Palojärvi bálgosis. Boazodutki Harri Nordberga mielde bohccuid čohkken leamaš álkit go dábálaččat, ovtta beaivvi áigge ožžo čoahkkái 1200 bohcco.***
