Filbmafestivála áiggi lea jođus maid Oskari gilvu, mas vuolle- ja badjedási mánát gilvalit oanehisfilmmáiguin. Filbmaguovddáš Skábma lea buvttadan gilvui čieža sápmelaš mánáid dahkan oanehisfilmma. Sámimánát Roavvenjárggas ja Oulus álggahedje filbmafestivála juo vahkuloahpas sierra bargobájiin, mas válbmejuvvojedje oanehis animašuvnnat. Mánaid oanehisfilbmafestiválain Oulus leat fálaldahkan maid čájáhus Unna Junná tv-prográmma ja sámekultuvrra ja -giela birra. Čájáhus lea oaidnin ládje Kulttuuritalo Valoves skábmamánus 29. beaivvi rádjái.***